За жизнь!

18 ноября 1920 года Постановлением Наркомздрава и Наркомюста РСФСР «Об охране здоровья женщины» в советской России было разрешено «бесплатное производство операции по искусственному прерыванию беременности в обстановке советских больниц».

В память о убиенных младенцах, погибших за прошедшие сто лет, неверующие люди предложили бы минуту молчания. Мы, православные христиане, по благословлению духовника всероссийского движения «За жизнь!» архимандрита Дорофея Вечканова, предлагаем в 15:00 18, 19 и 20 ноября помолиться. 

Молитва о грехе убийства чад во утробе (аборте)

Господи, Иисусе Христе, Сыне Божий, Источниче жизни и безсмертия, пришедый в мир грешныя спасти! Призри на нас, недостойных рабов Твоих, выю сердца и телесе пред величеством славы Твоея приклоняющих, согрешихом бо, беззаконновахом, неправдовахом пред Тобою, но, на щедроты Твоя и милость Твою уповающе, со слезами молим: благоутробне и всемилостиве Господи, прости и помилуй нас, любовь Твою отвергших, закон евангельский поправших, страстьми ум свой ослепивших, чад своих в безумии убивших, иных к сему смертному греху подвигших или преступному их намерению не возбранивших.

Вемы, Господи, яко достойны есмы огня геенскаго и вечныя муки, но имамы и человеколюбия Твоего образы: разбойника, мытаря, блудницу, блуднаго сына, иже покаянием отверзение дверей Царствия Небеснаго и помилование улучивших. Темже ко множеству щедрот Твоих взываем: приими искреннее раскаяние наше и сердце, оскверненное безмерными грехами, человеколюбне очисти.

Призри, всесильне Господи, на люди Твоя, вразуми братий и сестер наших, творящих беззакония; возсияй истиною Твоею в сердцах заблудших и во тьме пребывающих, загради уста нечестивая и лукавая, детоубийство проповедующая; просвети разум матерей, чад своих во чреве своем умерщвляющих; удержи руку врача-детоубийцы всесильною десницею Твоею; пресеки творимое кровавое беззаконие.

О, многомилостиве и долготерпеливе Господи! Молитвами Пречистыя Твоея Матере, Владычицы нашея Богородицы и Приснодевы Марии и всех святых, наипаче ходатайством святых мучеников младенцев, в Вифлееме от Ирода убиенных, даруй нам время на покаяние, яко да, по заповедем Твоим поживше, настоящих зол и будущих вечных мук свободимся и со благою надеждою и истинным уверением к тамошнему миру пойдем, прославляюще Безначальнаго Твоего Отца, с Нимже благословен еси, со Пресвятым и Благим и Животворящим Твоим Духом, ныне и присно и во веки веков. Аминь.

Социальная служба Нелидовского благочиния